تجربتي مع حبوب برايورين ن Priorin N لعلاج تساقط الشعر

تجربتي مع كبسولات برايورين ن Priorin N لعلاج تساقط الشعر

في هذي التدوينة رح اكتب تجربتي مع كبسولات برايورين ن المشهورة لعلاج تساقط الشعر وتحسين نمو الشعر. ولكن لازم تعرفوا أنه كل جسم يختلف عن الثاني وأسباب تساقط الشعر كثيرة ومتعددة وتختلف من شخص لآخر لذلك مو شرط انك تستفيد من المنتج اللي انا استفدت منه والعكس صحيح طبعاً. واكيد كلكم تعرفوا حبوب برايورين ن أو سمعتوا فيها ، وأنا اقدم لكم هنا فقط تجربتي ورأيي الشخصي وكل جسم يختلف عن الثاني.

ما هي كبسولات برايورين ن

كبسولات برايورين ن تحتوي على خلاصة حبة الدخن وعلى زيت القمح ومادة تسمى سيستين وبانتونات الكالسيوم. وسعر العبوة الواحدة ٨٦.٥ ريال ، وتحتوي على ٩٠ كبسولة.

تجربتي مع كبسولات برايورين ن

جربت استخدم حبوب برايورين ن مرتين ، مرة في سنة ٢٠١٣ لما كان سعرها غالي ٢٠٠ او ٣٠٠ ريال لكن خفضوا سعرها الان في حدود٨٠ ريال ، والمرة الثانية استخدمتها في ٢٠٢١.

للأمانة في تجربتي الثانية من استخدام كبسولات برايورين ن لم التزم بالجرعة اليومية وكنت اسحب عليها احياناً ولكن في كلا المرتين لم الاحظ أي نتيجة واضحة من استخدامها وأنا عندي مبدأ واعتقاد  أنه الشيء الصح بيشتغل من أول أسبوع رغم إنهم كاتبين في الروشتة إنك تحتاج إلى بضعة أسابيع حتى يظهر التحسن وأن استخدامها قد يمتد لفترات بين ٣-٦ أشهر لكن انا ما اقتنعت، وحسيت إني احتاج شيء آخر وإنها كبسولات تجارية فقط ، وما قدرت اقتنع بفكرة أنه دخن وقمح يقدر يعالج شعري ويوقف تساقطه ، فأنا اعرف إنه مشكلة التساقط لها أسباب كثيرة ومافي حبة سحرية تقدر تعالجه كذا.
وحسب قراءتي في الطب البديل أنه مشكلة التساقط لها أسبابها الكثيرة وتختلف من شخص لآخر. وطبعاً رأيي الشخصي أنه تساقط الشعر مشكلة داخلية بنسبة ٩٨٪؜ وقد تكون صحية أو نفسية.

وبالتالي اقدر اقول انه كبسولات برايورين ن كانت عديمة الفائدة بالنسبة لي ولن اكرر التجربة مرة أخرى.
وبالنسبة لي ، رائحة الكبسولات ما كانت حلوه أبداً وكنت اشعر بالنفور كل مرة اتناولها. ولم يعجبني شكل الكبسولة كأنها بلاستيكية وثقيلة. 

وأخيراً لازم اقولكم إني سبق قرأت تجارب لبنات استفادوا من حبوب برايورين ن عشان كذا قررت إني اعطيها فرصة ثانيه واجربها ولهذا انا اقول لكم انه كل جسم يختلف عن الثاني وأنا فقط حكيت تجربتي الشخصية واتمنى كمان اللي جربوها يكتبوا تجربتهم تحت بالتعليقات.

تجربتي مع تساقط الشعر

لي تجربة طويلة في تساقط الشعر فأنا بحثت وجربت واستخدمت أشياء متعددة داخل الجسم وخارجه من ماسكات وغيره. قريباً قد اكتب تجربتي في علاج تساقط الشعر من خلال كتاب وايش اللي استفدت منه وايش اللي ما استفدت وبعض النصائح لأول مرة ولا اظن أنه فيه شخص تكلم عنها. وهذا الكتاب سوف يختصر الطريق عليكم ولكن لن يكون مجاني، لأني اؤمن انه المعلومات المجانية يستهين الناس فيها ولا يطبقوها أو قد يساء استخدامها.

المواضيع ذات الصلة

تجربتي مع فيتامينات فيمي هير Feme Hair لعلاج تساقط الشعر